Danie Putter is bekend vir sy rolle in verskeie teaterproduksies onder andere Die dagboek van Anna Frank, Smokey Joes café, Straight
Curl, Letsels, Mannekyn, Puppet Love, Huis op Horings, Life in the Fat Lane en
Colour Atlas. Putter het in die televisie reekse Egoli, Erfsondes en Donkerland
gespeel. Hy het ook in 2013 in die film Bakgat! tot die mag 3 gespeel waar hy
die rol van Brüno Visagie vertolk het asook in die film As Jy Sing waar hy die
rol van een van die militêre ape vertolk het.
Wat is jou gunsteling
fliek?
Danie Putter: My
gunsteling fliek op aarde is Jurassic Park. Ek dink nie ek het die 'Dinosaur'
fase ooit ontgroei nie...ek dink ook nie ek gaan nie. Ha ha...
Na watter musiek
luister jy op die oomblik?
DP: Ek luister op
die oomblik na Ellie Goulding se album, Halcyon.
Wat is jou gunsteling
tydverdryf?
DP: My gunsteling
tydverdryf, daar is 'n paar. Ek hou daarvan om te lees, ‘series’ te kyk en om
tyd op die plaas deur te bring. Ek kan ook nie sonder my ipod nie.
Watter sport kyk/
speel jy graag?
DP: Ek het
bietjie rugby gespeel op skool, maar niks om oor te brag nie. Ek was nog nooit
'n sport mens nie, maar ek moes onlangs leer surf het vir 'n fliek en dit is 'n
sport wat nogals die adrenalien laat vloei.
Wat het jou laat
besluit om toneel te speel?
DP: Ek was nog altyd
meer kultuur aangedrewe. Ek het omtrent elke jaar kunswedstryde gedoen en ek
kom uit 'n musikale familie uit, so ek neem aan ek sou seker op een of ander
manier as 'n ‘entertainer’ opgeeindig het. Ha ha...
Wie het jou
geinspireer om die bedryf te volg?
DP: Daar was nie
regtig iemand, wat gemaak het dat ek die loopbaan volg nie. Dit het maar net
gebeur, dat ek dit gaan swot het.
Vir watter optrede was jy al die meeste op jou
senuwees?
DP: Ek was in 'n
ATKV Produksie, Agent Snoet en die Hondelewe, en ons hele geselskap moes by die
Media Veertjie Toekennings, so ‘n stuk doen, wat Liz Meiring geskryf het oor al
die nominasies en so bietjie skinder ens. Ons moes dit voor baie van die
industrie se grootname doen. Die dialoog wat ek toe moes sê, wou net nie in my
kop bly nie. Daar was 'n spesifieke orde wat dit moes wees anders het dit nie
sin gemaak nie. En met elke rehearsal voor die show, het ek dit verkeerd gesê,
maar gelukkig, toe op die oomblik, kom
dit darem reg uit.
Met wie het jy al die
lekkerste saamgewerk in die toneelbedryf?
DP: Daar is 'n
paar, maar van akteurs is dit Jana Strydom en Anel Alexander. Hulle is twee
talentvolle aktrises en as jy teenoor hulle speel, kry jy soveel uit hulle
spel, dat jou spel ook net soveel beter is.
Teenoor watter akteur
sal jy graag wil speel?
DP: Ek wil baie
graag teenoor Anna Mart van der Merwe speel, in Erfsondes was sy my karakter se
ma, maar sy het nie 'n verskyning in die laaste twee seisoene gemaak nie.
Aan watter toneelstuk het jy die lekkerste
gewerk?
DP: Definitief
Bakgat 3! die movie, Donkerland & Ligte, Kamera, Liefde.
Wat was jou grootste uitdaging in die
toneelbedryf?
DP: My grootste
uitdaging is maar om altyd weer op te staan en positief te bly, elke keer as jy
nie die rol kry nie. Ha ha.
Waarna sien jy uit in
2014?
DP: Die
verkiesings uitslae...ha ha.
Wat is jou 5-jaar
plan?
DP: Die 5 jaar
plan, is altyd 'n moeilike vraag in die industrie, maar ek en my beste pel
begin 'n drama skool in Brits, my tuisdorp. Ons beplan om uit te brei met dit.
Ons wil ook fokus op skryf en aan te hou met oudisies en al daai jazz.
Wat is jou planne vir
2014?
DP: Ek wag om te
hoor van moontlike rolle waarvoor ek gaan oudisie het in die jaar en dan skiet
ons 'n fliek in Mosambiek in Junie. Ek is ook deel van 'n groep Cortina, dinge
begin stadig maar sal seker daar ook vlam vat, ons tree op die 14de Maart by
die Pierneef teater in Pretoria op. Gaan volg ons ook op twitter by @CortinaPop
en op facebook Cortina, daar is baie Cortina goed op Facebook, maar gaan net af
jy sal ons daar sien.
Watter raad kan jy
vir jong mense gee wat die bedryf wil betree?
DP: Dit is 'n
industrie wat groei teen 'n vinnige pas, maar ons is nog 'n entjie van
Hollywood salarisse af so as jy jou Range Rover wil ry, swot maar eers iets
anders, doen 'n paar intense toneelspel kursusse & gee dit 'n kans. As jy
die kunsinnige tipe is, gooi jouself in dit in en pak die bul by die
horings...as jy 'n sukses wil wees, kan jy...dit hang alles van jouself af. Dit
is maar so in enige beroep.
Danie Putter kan in 2014 in die fliek Pro, wat later in die
jaar in die teaters verskein, as Dirkie gesien word.
No comments:
Post a Comment